E ultimo reto, un otro oportunidad pa supera. Click video
/Un dia prome cu e trabao grandi di parti di Elmar, pa pone cabel pa nos haya coriente, un control di parti di Elmar a tuma lugar pa inspeccion unda e canalnan unda e cabelnan ta bay wordo pon'i. Durante e control a bin descubri den un di e canalnan un sero duro y bao di dje dos structura di concret basha. Elmar a bisa nos cu mester kibranan y elimina nan, sino Elmar ta keur af e canal y no por pone e cabelnan diahuebs. Cu ayudo di colega Taochin Michael Jansen su Hilti nos a purba kibra nan, sinembargo esaki no a resulta. Urgentemente a comunica cu e compania cu ta traha directamente cu Elmar, pa yuda nos cu herment mas pisa, esta un Jack Hammer diahuebs mainta. E mainta ey trempan, prome Elmar a cuminsa e trabaonan pa tira e cabel, e compania a logra kibra e fundeshi di concret y habri e canal. E hefe di Elmar presente a aproba e trabao y asina diahuebs despues di hopi aña di pasenshi y lucha bay bin, a logra cu Casibari Tao Center su infrastructura di coriente a keda cla. Masha danki na tur esnan cu a coopera trabao di limpiesa, cu donacion y cu conseho. Awor falta Setar pa keda cla y e ora ey nos lo ta cla cu Casibari Tao Center pa e aña aki.
Un danki tambe ta bay na Jean Carlo Kock y su Tata; e conocido Sr. Toy Kock, cu a yuda nos pa sera e canalnan y haci e caminda limpi hopi rapido y netjes.
Riba e potretnan por mira un grupo grandi di empleadonan di Elmar y Fatamorgana trahando cu entusiasmo. Specialmente despues cu a splica nan ta cuanto aña nos ta preparando y trahando pa e dia aki yega.
