Introduccion

Durante e epocanan anterior tawata tin Profetanan, educadornan y Gran Maestronan cu a trata pa nos conoce y compronde e Origen y e Berdad di Bida por medio di varios enseñansanan.

Nan a pasa door di hopi situacionnan dificil y sufrimento uzando tur nan capacidad pa haci esaki.

E estudiante y siguidornan a haya les tocante e textonan valioso y mandamentonan, pa asina nan por siña diferencia entre bondad y maldad.

E enseñansanan aki a varia, basa riba e diferencianan di cultura, historia, duracion y e nivel di comprencion den e regionnan.

Nan tur a trata di expresa na nan descendientenan e sabiduria, poder y boluntad di e fuente aki di Universo, Tao of loke nos ta yama Dios.

Tao ta e centro di tur religion, e ta incorpora e esencia di tur e predicashi y enseñansanan y sinembargo e ta superior riba e sistema di creencia.

E ta e naturalesa di Universo mes y e Origen di e existencia di Humanidad.

Tao of Dios ta representa e Autoridad di mas halto y e Poder den Naturalesa y Universo.

Tao ta extremadamente profundo y maraviyoso, y e no por wordo completamente expresa pa ningun palabra of den ningun idioma.

No tin conocemento di dje riba ningun escritura ni sutras.

E no por wordo describi completamente pa medio di predicashi, e no por ser adkiri pa medio di e inteligencia humano, ni tampoco e por ser deriva for di e conocimento of experiencia, ni e por ser alcansa cu un don di talento (privilegia).

Pasobra tur e ariba menciona mester ser crea y por wordo elimina, loke kiermen cu nan no por perdura pa semper.

Nan tur ta inclui parcialidad y no por ser aplica universalmente.

Nan no por surpasa e ciclonan di bida ni nan por alcansa Eternidad.

E milager di e efectonan di e Omnipotencia di Tao ta mas aya cu palabra. Ta e sabiduria cu no ta bini di conocemento(aprendisahe), pero ta bini di e fuente di bida mes, Dios.

Tao ta nos naturalesa Berdadero y inmortal, E Espirito di nos Creador.

Comprondiendo Tao ta permiti nos pa descubri y comunica cu e Fuente, nos Creador.

Tao tawata existi prome cu e formacion di tur cos, sinembargo e no tawata tey anteriormente, kiermen cu e tawata implanta den creacion.

Tao ta uni cu creacion, sinembargo e no tawata posterior di dje, cu kiermen cu e no ta limita na e parti despues di creacion. (pues Tao ta sin limite).

Entre esunnan cu a ser crea, maske con grandi, nan por ser midi, sinembargo maske con chikito nan por ser detecta, ta solamentte Tao no por ser midi den su inmensidad ni detecta den su existencia.

Pesey e ta mas grandi cu esun di mas grandi y no ta laga nada exclui, y toch e por ta mas chikito cu esun di mas chikito y no ta laga nada sin penetra (no ta laga nada scondi).

E ta funciona y goberna tur cos.

E ta encarga cu espacio, mundo, sernan humano, tur criaturanan y existencia.

E ta e fuente di tur Escrituranan, Sutras mescos cu e Dharmanan.

E mes ta su propio Divinidad.

Nos mester siña conoc’e di e forma aki y descubri di nobo nos propio tesoranan valioso.

Practicando Tao kiermen rebiba nos propio consciencia Divino .Como tambe di tur otro hende

Y actua conforme cune.

E ora henter Humanidad
Por bira Un Spirito
Y tur Nacionnan por biba na Pas
Manera un Famia di Nacionnan.

Y e Gran Harmonia por bira Realidad.

Kiko tin den Tao

Ora nos wak rond di mundo, nos ta admira e milager y maraviyanan di naturalesa.

Inumerabel di cosnan ta cambia y move simultaneamente cada seconde, y toch den un orden y harmonia.

Ta pasa mescos den nos curpa.

Inumerabel di reaccionnan biokimico y funcionnan fisico ta pasa simultaneamente den nos curpa.

Sin cu nos ta siña of pensa cu ta subhetivo, e miles di actividadnan cu ta sosode paden di nos ta e extension y accionnan di e Tao, den nos y tur rond di nos y tur hunto.

Pues e ta un solo Esencia.

Funcionando natural y automaticamente sin e necesidad pa nos intentionnan ta envolvi.

Esaki ta e efecto di Tao den nos.

Tao no solamente ta den control di e Universo y Naturalesa, pero tambe e tin e encargo di cada ser humano su Esencia y su accionnan.

Den otro palabra, e ta e mesun fuente cu ta goberna nos, mescos cu e ta goberna tur otro cos.

Tao ta invisibel y intangibel, pero ya prome cu e prome dia e ta manifestando su milagernan.

Djey en adelante idioma, cultura, religion, escrituranan , literatura y civilisacion a ser desaroya.

Nan tur a origina di Tao cu ta funcionando den nos.

Hende no ta realisa cu ta Tao cu tawata biba y funciona den nos, ta uza e “Alma” pa representa e confuso y irefutabel ser.

Pasobra e ta Eterno y Intangibel, nos ta yam’e tambe “E Bedadero Naturalesa”.

E Berdadero Naturalesa aki ta e Ser di mas abundante, briyante y indestructivo (no ta perece).

Pesey ta indispensabel nos esfuerzo awe pa reconecta cu nos Ser Berdadero pa liber’e.

Tao y abo

E significado di Tao den su inmensidad y Omnipotencia. (existiendo of ta presenta tur caminda na e mesun momento).

Su Omnipotencia(Poder) ta guia e universo pa carga cu e cambionan di estacion y evolucion di e criaturanan.

E tantisimo (incontabel)aspectonan di e fenomeno natural ta parce asina caprichoso y sinembargo toch(berdaderamente) den un orden y den ciclonan organisa.

E Ser poderoso (omnipotente) tambe ta biba den cada un si nos.

E ta e Ser divino, e cualidad natural y original di un persona.

E ta laga nos mira, sinti/mishi, purba, tende, y move sin cu a siña esakinan di antemano.

Mientras nos ta investigando e maximo berdad den Universo, nos mester bay paden(hasi introspeccion) y wak den nos mes pa descubri e Ser divino y su Omnipresencia y sabiduria.

Nos lo haya sa cu e reglanan cu ta goberna e Universo tambe ta comparabel cu manera nos ta.

Tao no ta algo demasiado leu pa alcansa, ni demasiado misterioso pa compronde.

E no ta algo particular, pero e tin di haber cu nos bida diario.

Nos no por sin dj’e.

Tur movecion cu nos hasi, pa nos mira, mishi, sinti y pensa ta asocia cu Tao.

Considera cuanto milager tin scondi den nos curpa, y cu ki delicadesa nos funcionnan fisico ta ser realisa.

Por ehempel, ora nos duna un otro hende man, e componentenan envolvi mester inclui e coordinacion di joints (huntanan) y musculonan, e reaccion kimico di energia, e transmision of informacion por medio di e sistema nervioso y accionnan cu ta sosodiendo den nos celebro manera distribucion di ordo, husgando y analisando situacionnan.

Hasta cu e tecnologia mas avansa y e nivel di mas halto di conocemento cu nos a desaroya awendia den mundo, no por reconstrui un funcion asina completamente.

Sinembargo e habilidad pa ehecuta un movimento asina simpel, tey pa tur individuo, independiente di e nivel di conocimento di un persona y su ser adulto of un baby, un studiante of un persona cu no tin educacion (no por lesa ni scirbi).

Esaki ta e clase di habilidadnan cu nos ta normalmente ekipa cune sin tin cu a ser siña of ser educa den dje.

E ta den nos y e ta encarga cu tur cos.

E ta e Tao, cu nunca ta disminui of bira grandi/aumenta.

Conocimento mundano adkiri pa medio di enseñansa por wordo lubida.

Un gimnasta por bandona su tecnicanan y un musico por perde su habilidadnan si e no sigui practica.

E Esencia di Tao y su extencion semper ta encarga cu e Macro-Universo – e naturalesa, y e micro-universo – e ser humano su esencia. (naturalessa divino).

Pasobra e ta encera henter e naturalesa den nos.

Tambe algun hende ta yam’e e Esencia Nativo.(Berdadero).

Tao ta den nos y rond di nos.

E no mester ser adora ni ser debati/discuti.

Ora nos ricibi Tao, no solamento nos ta encontra e Origen di Universo, sino tambe e Esencia Divino.

Poniendo e den practica, nos lo conoce e poder di mas halto den Universo, mescos cu e Naturalesa genuino/Berdadero cu ta encarga cu e Esencia.

Nos ta descubri e Berdad di e Cosmos mescos cu nos propio Integridad.

Ora nos reconoce cu e mesun reglanan di universo tambe ta goberna nos, nos lo ta capas pa bolbe na nos Naturalesa Berdadero.

Kiko nos ta haña ora nos ricibi Tao

Ora nos ricibi Tao of encontra e Porta celestial y despues cultiva Tao, nos ta siña actua di acuerdo cu nos consenshi y obtene mas sabiduria.

Ademas di e puntonan fundamental aki , nos ta beneficia tambe di dje den e siguiente bida. Nos ta beneficia tambe nos generacionnan anterior y di futuro.

Nos por pone un fin tambe na e sufrimento y biba mas cerca di e Felicidad Berdadero.

E afliccion(pena) y preocupacionnan cu nos ta enfrentando den nos bida diario ta mas tanto e resultado di biba inconsciente of no hasi caso di nos Naturalesa Berdadero.

Ora nos ricibi Tao e ta yuda nos reconoce e Tao cu tin den nos, pa asina restaura e beyesa di nos Naturalesa Berdadero.

Nos accionnan y mente asina por libera di e control di e programa bieu den nos subconscienci; manera placernan mundano, perdida y ganashinan di e mundo material.

Nos fortuna por ser altera di malo pa briyante y nos por obtene felicidad berdadero, cultivando Tao; E Berdad Universal.